Maqedonci zhvilloi një takim virtual me Shefen e operacioneve të NATO-s

16:23 | 16 Dhjetor 2025
E.G

Ministri në detyrë i Mbrojtjes, Ejup Maqedonci, sot zhvilloi një takim virtual me Shefen e operacioneve aktuale, nga Divizioni për Operacione e Shtabit të Përgjithshëm të NATO-s, Ariella Viehe.

Sipas njoftimit, në këtë takim, Shefja e operacioneve në NATO, Viehe u njoftua lidhur me zhvillimet aktuale në Ministrinë e Mbrojtjes dhe në Forcën e Sigurisë së Kosovës, si dhe me planet strategjike për të ardhmen, shkruan Arbresh.info.

Maqedonci theksoi se Kosova dhe FSK-ja synojnë të rrisin kontributin e tyre në ruajtjen e stabilitetit dhe paqes. përmes bashkëpunimit me KFOR-in dhe Ekipin Këshillues e Ndërlidhës të NATO-s (NALT) me investimet e vazhdueshme në fushën e mbrojtjes dhe me ngritjen e kapaciteteve profesionale të FSK-së./Arbresh.info